सूर्य कधी मावळत नसतो....
सूर्य कधी मावळत नसतो, मावळतो तो क्षण
मावळतात छटा काहीश्या, नसते मावळत प्राक्तन
सूर्याचे मावळणे, म्हणजे त्याचा अस्त नव्हे
क्षणभराची गाथा ही , जग नेहमीच अंधारग्रस्त नव्हे
सूर्याच्या जाण्याने असतील उंचावत काही शक्ती
आत्मविश्वासाची ही कसोटी बाळगू नका धास्ती
अंधाराचा होईल अस्त, मिटेल थैमानाचा गुन्हा
तेवत ठेवा विचार हा, की सूर्य उद्या उगवेल पुन्हा....
- हर्षल कंसारा
Comments
Post a Comment