जर असते इंटरनेट महाभारत काळात....




जर असते इंटरनेट महाभारत काळात....
तर नसते गेले श्रीकृष्ण द्रौपदीच्या चीरहरणात, तिच्या बचावला..
त्यांनी देखील केला असता डी.पी. आपला ब्लॅक
नसता घडला द्यूताचा तो खेळ...
ऑनलाईन मिटिंगनेच कदाचित साधला असता मेळ
दु:शासनाने देखील डायरेक्ट वस्त्र हरणाऐवजी तिला केले असते ट्रोल...
#द्रौपदी हॅशटॅगचे, त्यासभेत निराळेच असते मोल
धृतराष्ट्राने कदाचित ट्विट करूनच केली असती घटनेची ‘कडी निंदा’
आणि केवळ बोर्ड घेऊनच उभी राहिलेली गांधारी म्हटली असती "मैं शर्मिंदा...मैं शर्मिंदा..."

जर असते इंटरनेट महाभारत काळात....
तर खरोखर झाले असते का हो युद्ध...?
की व्हर्च्युअल जगात कौरव पांडवांची सायबर सेल झाली असती कटिबद्ध?
ब्रम्हास्त्र देखील ठरले असते हॅकींग पुढे फोल...
कुरुक्षेत्रातील फेसबुकने अनेकांचा डेटा, विकला असता कवडीमोल
आणि केंब्रीज अॅनालिटीकाने त्यामध्ये नक्कीच केला असता झोल...
तुटलेल्या चाकाचा रथ कर्णाने olxवर दिला असता विकून...
आणि अभिमन्यूने देखिल चक्रव्यूह यूट्यूबवरुन घेतले असते ना शिकून...

जर असते इंटरनेट महाभारत काळात....
तर संभ्रमी पार्थाला सावरण्यासाठी श्रीकृष्णाने विराट रूपाऐवजी एखादा अॅनिमेशन शो दाखवला असता
आणि त्यातून प्रेरित झालेला अर्जुन, युद्धाआधी ‘फ्युचर स्कोप’नेच सुखावला असता....
नसते झाले द्वंद्व भीम आणि दुर्योधानामध्ये....
एकमेकांना ब्लॉक करूनच विषय त्यांनी संपवला असता...
धर्माचे वचन म्हणून युधिष्ठीरचे quotes सोशल मीडियात गाजले असते...
 पालन होत नाहीत म्हणून ते बेगडी लाजले नसते...

जर असते इंटरनेट महाभारत काळात....
तर इतिहास काही औरच राहिला असता...
कदाचित धर्माची स्थापना हा विषय जातीय ठरला असता
नसता एवढा शहाणपणा, प्रत्येक बाजू तपासण्याचा...
तोलून मापून वागण्यापेक्षा, कल असता नाक आपले खुपसण्याचा

- हर्षल कंसारा

Comments

Post a Comment

Popular posts from this blog

चाँद और सूरज

Image
वो चाँद सी खूबसूरत, मैं सूरज हूँ धीर गंभीर वो शाम सी है शीतल, मैं हूँ दिन की आरंभिक वो टिमटिमाता तारा है, जो लगता बहुत प्यारा है मैं तो उगते सूरज जैसा, लाता रोशनी जहा अंधेरा है उसकी दूधिया सफेदी की, कईयों ने खाई कसमे है चाँद जैसा सुंदर होना, कहा किसी के बस में है! मेरी कोई कसमे नही खाता, मेरी करते आराधना सब सूरज सम्मुख न अंधेरा छाता, किरणों की रोशनी छाती जब किन्तु उसका सुंदर होना, और मेरा तेजस्वी होना इसका न बचता कोई अर्थ.... जब सोचता हु की, सूरज और चाँद साथ में चल नही पाते है शायद, इसी वजह से वो और मैं कभी मिल नही पाते है - हर्षल कंसारा
Read more

कोरोनाचा व्हायरस नव्हे, हा तर देवाचा प्रँक....

Image
आयुष्याचा झालाय लॉकडाऊन सिच्युएशन झालीये हँग कोरोनाचा व्हायरस नव्हे हा तर देवाचा प्रँक.... हव्यासापोटी केलीस तू निसर्गाची हानी उघडे पाडलेस जीव, बेघर केले प्राणी रानं-वनं जाळून आणली औद्योगिक क्रांती वासनांधतेमुळे तुझ्या सृष्टीचक्राची रे भ्रांती  तुझ्या ओरबडण्याच्या वृत्तीमुळे वाजलाय व्यवस्थांचा बँड कोरोनाचा व्हायरस नव्हे, हा तर देवाचा प्रँक....१ लाईफस्टाईलच्या नावाने केल्यात कैक कामना क्वारंटाईनमध्ये लपशिल कुठवर? कर निसर्गाचा सामना! अणु - रेणूच्या आविष्काराने बनवलेत मिसाईल हॅकिंगास्त्राने अनलॉक केल्यात कंप्युटरच्या फाईल पण निसर्गाची किमया पाहा... अदृश्य एका विषाणूने केली तुझी दिनचर्या हँग कोरोनाचा व्हायरस नव्हे, हा तर देवाचा प्रँक....२ तुझ्या या वागण्यात आता सुधारणा कर निसर्गाचं ओरबडण्यापेक्षा,घाल त्यात भर  प्रदूषणाच्या विळख्यातून कर भुमातेला मुक्त अनावश्यक टाळ, गरजेपुरते घे फक्त साधी जीवनशैली अंगिकारून वाढव मानवतेचा रँक कोरोनाचा व्हायरस नव्हे, हा तर देवाचा प्रँक....३ - हर्षल कंसारा
Read more